بقلم/هبة فرج
يوم من الأيام قررت أظهر شوية وأحضر اكتر من مهرجان واشاهد بنفسى مستويات تلك المهرجانات المختلفه وبالفعل حضرت .
ولكن أتانى حاله من الإستياء جدا لكمية السلبيات والعهر الظاهر أمام الجميع.
من المفروض أن اى مهرجان بيكون كل سنه أصبح صاحب اى مهرجان بيعمله كل ٦ شهور وقولنا ماشى أهو رزقه وربنا يوفقه والسبوبه شغاله وعلى راسنا ، لكن أن المهرجان يكون كل ٤ شهور وورا بعض احنا نفسنا مش قادرين ناخد نفسنا من تحضيرات يوم لموسم هنلحق نلاحق كل اربع شهور ازاى .
المصيبه بقا أن للاسف بقا فى كل بيت مهرجان بمعنى أن من كتر المهرجانات على الساحه توهنا وكلها شبه بعضها أما فاشون ازياء أو ميكب أو كوافير أو حلاقين أو للمرأه أو الطب أو الهندسة مهرجانات لكل مجالات الحياة .
كل دة بقا كوم والأشخاص اللى بيحضروا المهرجانات دى أنا صنفتهم ثلاث تصنيفات👌
الصنف الحيحان( بعتذر للفظ)
الصنف العريان.(بعتذر للفظ)
الصنف الغلبان.
الصنف الحيحان اللى حاضر المهرجان عشان يتفرج على لحم ويتصور معاه ويتعرف وواتس وفيس ومسخره.
الصنف العريان بتاع اوضتى ١٣٣
أما بقا الصنف التالت الغلبان اللى بيقعد يتفرج على كل دة وملوش فى اى حاجه غير الرغى على اللى بيحصل لاهما مهتمين بمهرجان ولاهما جايين غير لأهداف معينه محترمه فى عقولهم وبس لمقابلة الاصدقاء والتقاط الصور التذكارية .
طبعا غير الاستخفاف والاستظراف والهزار الأوڤر الذى لا يليق بشخصيات عامه بالمجتمع.
كثرة المهرجانات على الساحه فقدت المهرجان المحترم هيبته وهدفه واهى كلها سبوبات والكل مستفيد الا من رحم ربى .
لذلك قررت عدم حضور اى مهرجانات الا المهرجانات النظيفه المحترمه الهادفه المعروفه فقط .
احترموووووو بريستيچكم واسنكم👌
#الجورنالجية💪✍💪
مقال / مهرجانات العهر
