بقلم /شذى ال معمر
صوت الضمير
صارت الحريه نجمه
وياهو اللي يلوح النجم
لكن الحق صوته عالي
وبالعنف ماينلجم
اصحى ياصوت الضمير
وطفي جمرات الألم
بلاكرامه ولارغيف
تصبح العيشه عدم
وين الأعلام الحقيقي
كم سكت عنا
وكم
جنه وسط الموت نحيا
ومادرت بينه الأمم
صورونه
وشوفوا شعبي
شكثر من خيره انحرم
حركوا بي طائفيه
ومن نتائجها الندم
وذبح صار أعله الهويه
وفاضت الكيعان دم
اصحى ياشعبي المناضل
وأمطر بعزمك حمم
ريتك خليها تصدح
وترتفع بأعلى القمم
2019/10/24 لقطات من مهرجان المثلث الذهبي لدورته الخامسه
