لا اخفى عليكم عندما سمعت وزير التربية والتعليم وقياداة الوزارة قبل بدأ العام
الدراسى والاحاديث المطولة عن وجبة المدرسة والسباق مع الزمان لمتابعة
تنفيذ مشروع الوجبة الساخنة لاطفال المدارس تمنيت ان أكون تلميذ لكى
اتذوق هذه الوجبة ودى مش طفاسة دى مجرد حلم سمعناه من وزراء
سابقين من الذين شغلوا هذا المنصب . نرجع لوجبة المدرسة وما ادراك ما
وجبة المدرسة . بدأت قبل الدراسة بالوجبة الساخنة الملمه بالفيتامينات
والمعادن التى ينتقصها جسم الطالب فى مراحل التعليم الاساسى وروحى
يا ايام وتعالى يا ايام ونستنى الوجبة اللى وعدنا بيها سيادة الوزير وفى الاخر
نلاقيها بسكويت السنين اللى فاتت ومفيش ساخنة ولا بردة ولا دافية حتى
مش مشكلة بسكويت حلو الاطفال تعشق البسكويت . طيب نسأل الاولاد
عن البسكويت زمانهم نسفوه نسف . اخبار البسكويت ايه يا اولاد ؟
بسكويت ايه . بتاع المدرسة اللى بيسلمهولكم . كله فى الشنطة زى ماهو
ليه مش اكلتوه يا حبيبى ؟ ياعم ده ناشف وعامل زى الحطب انا حاسس ان
هيكسر اسنانى . طيب نسأل واحد تانى . خد يا حبيبى اكلت بسكويت
المدرسة ؟ لا صراحة انا بعتوا للراجل اللى واقف امام المدرسة خد من
الباكويين بسكويت وادانى كيس شيبس صغير اهو احسن من مفيش .
طيب ثوانى يا حبيبتى انت ماسكة البسكويت بتاعك ليه ما أكلتهوش ؟ هههه
بتضحكى ليه ! عشان انا باخده البيت عشان نأكله للطيور اللى ماما بتربيها
ضحكت انا كمان . وبعدين افتكرت انى قرأة قريبا عن وجود امواس فى وجبة
المدارس اللى هى البسكويت طبعا وصراحة صعب عليا الفراخ اللى بتأكله
ليهم البنت الصغيره .
