جريدة أخبار العالم مصر بين يديك- مكتب تونس-
كتب عبدالله القطاري
الشاعر الشعبي الحبيب الميساوي الذي ذاعت شهرته في المهرجانات وفي الملتقيات الوطنية والدولية هاهو ينظم قصيدا شعريا مطولا يبرز فيه فخره واعتزازه بوطنه الذي ينتمي إليه:
من حقي نفخر بابلادي….
نتوجها. تاج علي قصيدي….
ونتباهي بتاريخ جدادي…
ويبقي. تاريخي لحفيدي…
نحكي. علي الماضي اللي فات…
نغنيها قصيده مواويل…
نعزف تاريخي بثبات…
لا نقص.. لانزيد نميل…
نوصف تاريخي… محطات…
لجدودي. تاريخ طويل…
ثوره. وشهامه.. وغزوات…
صقوره ركابين الخيل….
نا جدودي رسموا بصمات…
عروبه يوفوا صاع الكيل…
يهبوا ما يخافوا الغصرات….
اللي ينبشهم ياويلو ويل….
العكري تشهد والبايات….
شيء واقع لاهو تاويل…
منهم ذاقوا المر انعات….
لا يهابوا دهس جراويل….
يسوقوا مع طلوع النجمات….
عزيب يرعي ماشي مراحيل….
فحل يرمق نابو زريات…
يريحوا وين الشب. قسيل….
عزي وقدري وتفرهيدي…..
ورايب حي وخبز شعير….
محلاها هديه من ريدي
02
جدودي معروفين عروش…
همه وشهامه فراسين…
وقت الصادي ما يولوش…
يردوه الصاع بصاعين…
يثوروا لناض الكرطوش…
جدودي فحوله معروفين…
يربوا النعجه والعلوش…
وسيسه جرايا وتزين….
جحفه وعروسه وعطوش…
لسود ينبع من الوجهين…
واحراير سمحه وتشوش…
نحن تسمي علينا الزين….
ماجر وفراشيش جيوش…
اولاد عزيزه في القصرين….
اولاد تليل ما يراطوش…
بركتهم تحضر في الحين…
واذا يهدوا ما يخلوش…
يخلوها طشان تنين…
جدودي ماتوا ما ماتوش…
خلوا احراير وذراوين…
الباطل نحن ما نرضوش…
تقدرني نا نقولك سيدي…
حتي الشاعر ما يهموش…
لا يدنكس لا يحب كريدي…
03
جدودي ليهم صحوه وشان….
همه وجعره وحشمه ودين…
في كل وليمه… خيان…
كلام حكمه متسلس زين…
لايرضوا واحد جيعان…
ناقص في العيشه. وغبين…
طعام. قمح شعير وكتان…
من الصوف المرقوم متين…
والمسكن خيمه تزيان…
متقونه بصنعة اليدين…
فصاله علي رابع تركان…
خصوص مكان الضيف منين….
وفي السهره تلقي الجيران..
علي ذكر الله…. ملمومين….
حكاوي قديمه وقت زمان…
علي حواءوادم… لثنين…
خليل الله….. وكل. الاديان…
موسي وعيسي….. والامين…
بن طالب سيد الفرسان….
والصحابه.. المطبوعين…
يوم بدر….. ثار البركان…
معدول بديني وتزهيدي….
نا عربي سلالة شجعان…
الرب واحد…… محمد سيدي
04
نشفي. وانا طفل. صغير….
وين. يتحرك.جدي معاه…
شاد تلابيبو. وانسير…
وين يقعد نقعمز بحذاه…
نتذكر. قصبه وبندير…
السهره تبدا بذكر. الله…
نصلو يثنوا علي البشير…
محمد… رسول الله….
نتلمو. شايب وصغير….
ربي يقبل منا الجاه…
بقدرة ربي البرق يشير….
كريم ياسر خيرو ما ابهاه….
خيرو بزايد خيرو كثير…
ما ينمش. فرشو واغطاه…
عشب. وقصيبه. وشعير…..
وقمح مصفق شارب ماه…
مزخرف ومغطي الهنشير…
كل كاين ينطق بالغاه….
نفله وتيفاف وحمير….
اوجاع راسي الكبار دواه….
ما احلاها الراحه في الدير….
تسمع نغم الناي صداه….
خير ربي خير علي خير….
وبخيرو انجلي تنهيدي….
كسادي وتنكيدي…..
بانغامي نعزف نشيدي….
05
جدوي اللمه ليهم عاده….
اذاوجب….. الفصل وهل…
كل فصل افراحو معاده…
موروثه من عهد قبل…..
فرحه وطبال وزراده…..
يتلموا العروش الكل….
شقراء. تتزخلق رداده…
ترقص وتحجل لا تمل..
سيسه ما بين العواده….
فارسها فارس وفحل…..
عاتي شاطر في الجناده….
لا حق نجع الريم رحل….
يتحدي النار الصهاده…
لازم يوصلها ويطل…
نارها…. في جاشو. تتمادي….
شهرين. خياليها ما طل…..
لا يرقد لا يروم وساده…..
مضت مده خبرها ما وصل…
بلاوي لتشوفوا الصياده….
حضر اجلو من غير اجل….
يهرب علي مرير الحصاده…..
ويتبعد علي طريق البل….
يتحاشي عزيل الوراده…..
وثمه يتنفس صعيدي….
ويقول ليها كانك ريدي….
هذي هديه خوذ من ايدي……
ش الحبيب الميساوي
