( أيوة أنا مصري )
بقلم الشاعر مبروك علوه
أيوة أنا مصري
ومش هتعب وأعاني
وهحفظ كرامتي
ومش هكون أناني
وهفدي بلدي بدمي
من كل خاين عدواني
مصر رمز الحضارة
وإسألوا عنها زماني
إسمها عايش جوايا
وساكن روحي ووجداني
ونشيدها ديماً بيضوى
في كل الأغاني
بحبك يا مصر
يا عشقي وكياني
وعشان أنا مصري
تمللي حافظ مكاني
ديماً أبدأ يومي
بعزيمة وأماني
وكلمة تحيا مصر
بترن في وداني
وشعارها يرفرف
فوق كل المباني
كفاية إن بلدي
بتتحمل علشاني
لو أتغربت ثانية
ألاقي حنينها ناداني
أرجع أبوس ترابها
وأقولها وحشاني
هرسم بلدي عروسة
وهزينها بألواني
هكتب لها أغلى غنوة
تتراقص فيها ألحاني
وعشان أنا مصري
مش راح أتعب تاني
عايش حياتي فخور
ومفيش شئ رزاني
ولو أصابني الظمأ
كتير نيلها رواني
أفتخر إني مصري
ولو الجميع هجاني
هقولها أيوة أنا مصري
بجميع اللغات والمعاني
وتحية لكل مصري حر
وتقديري وإمتناني
=========================
بقلم الشاعر مبروك علوه
