الإرهاب يزيد المصريين ترابطا ومحبة وإخوة
كتبت خيريه الصباغ
أسيوط
من يوم ما إتولدت وفتحت عينيه
وأنا شايفه إخواتي المسيحيين حواليه
وأخواتي المسلمين جنبيه
بعد ماروحت مدرستي لقيت زملائي المسيحيين والمسلمين معايا في مدرستي
ولقيت جنبي جو فصلي أختي المسيحية مريم
ولقيت أخويا أحمد واخويا عيسي معايا
أيو إتربيت معاهم في بيتي وفي مدرستي
أصلهم هما جيراني ومتربيه معاهم
وبعد ماكبرت شويه بقيت أروح معاهم النادي
وكانوا بيحبوني وبيلعبوا معايا
وكبرنا مع بعض أصلهم هما جيراني
وأمهم حبيبت أمي وأبوهم حبيب أبويا
وكبرنا مع بعض في مدارس واحدة
ومع بعض في فصل واحد
وكنا بناخد درس الثانويه العامة مع بعض
وجبنا مجموع ودخلنا الجامعه مع بعض
ولقينا في الجامعه جيرانا وحبايبنا
مرقص جنب محمود ومارية جنب حورية
كلنا مصريين وبنحب بلدنا
وإتخرجنا من الجامعه مع بعضنا
وإتجوزنا وخلفنا وعيالنا بيكملوا
نفس المشوار إخوات مصريين مفيش
أي حاجة تفرقنا أصلي جدودنا
إتربوا مع بعض وكانوا إخوات. مصريين
طول عمرهم ودا السر أللي مخلينا
دايما في محبة وعمرنا ماحد يقدر يفرقنا
