( بحب بلدي )
بحب ناسي
وأهل بلدي الطيبين
في وسطهم
عشت أجمل السنين
وبين أحضانهم
عرفت معني الحنين
بقربي منهم
يطيب قلبي من الآنين
بحب بلدي
وبعشق بساطة الفلاحين
بالذوق والكرم
في كل مكان معروفين
والطيبة والأصل
صفات جواهم مزروعين
وقت الشدة
تلاقيهم مع بعض متجمعين
ما أحلا الحياة
بين الجناين والبساتين
ورؤية الناس
بعد الشغل مروحين
وعلي القهاوي
بعد العصر متعودين
حياة بسيطة
من غير أوامر أو روتين
حبيت بلدي
من صغري وناسها الغاليين
ولا أجمل منها
في الدنيا هاتشوف العين
ناسها غلابة
بالود ديماً مليانين
بحب فيها
طبع ناسها المخلصين
إسم بلدي
محفور في قلبي وعلي الجبين
بكون سعيد
لما بشوفهم فرحانيين
وهفضل أحبهم
مهما بعدتنا السنين
ورغم البعد
حبي ليهم يخليهم قريبين
=========================
بقلم/ مبروك علوه
