اهداء الي ابنتي الحبيبه
كل عام وانتِ الأميرة
وردة بتفوح بالعبير
والجمال ياقلب بابا
لما بيشوفك يغير
والمعاني الحلوة فيكي
تبتسم وتزيد كتير
***
كل عام ربك حاميكي
م الأعادي والشرور
والأماني الغالية تيجي
تِملا قلبك بالسرور
والنعيم يسبغ عليكي
والسلام ويا الحبور
***
كل عام يا مي وانتِ
عالية فوق كل البنات
راية بترفرف جلالة
في اللي ماضي واللي آت
فوق جبين الدهر تبقي
من علامات الثبات
***
كل عام وانتِ الحبيبة
ساكنة في القلب الكبير
قلب بابا كله طِـيبة
قلب مفروش بالحرير
قلب بيقول كل ساعة
كل عام وانتم بخير
