يوميات بطاطس

بقلم أحمد محسن
ساموا عليكوا .. صباح الفل باليل .. عاملين اية ؟ متفجرين ؟ مقتولين ؟ مدبوحين ؟ .. اهلاً باخوتي المصريين ” اخدلي بالك انت من القافية ؟ ”
كنت فى يوم كدة وزني الشيطان وقالي اروح المعهد يمكن اعرف انام أحسن , قولتله ماشي ياعم اما اشوف اخرتها , فالمهم رحت بقي وركبت ميكروباص ورحت المعهد , بتاع الامن استقلبني بتفتيش فجأة طلع عند منطقة خطر وراح قافش بقي .. انا الصراحة كنت هعيط من القفشة
قال اية قالي عشان شفتك بتاكل لب ومدتنيش حبة ” راجل نتن ” , دخلت بقي السيكشن بتاعي على يميني بنات وشمالي رجالة , الدكتورة اول ما شفتني قالتلي انا اول مرة اشوفك , كنت نايم بقي ومش ملاحظ , لقيت اللى بيخبط عليا
رحت قلت : مين ؟
قالتلي : انا دكتورة هند يا حبيبي صباح الخير
من كتر السطل اللى انا فية رحت قايلها : فين المصروف والسندوتشات ؟
طبعا لقيت السيكشن كلة ميت من الضحك , ودي اللقي عليها غضب ربنا ووشها احمر راحت قايلالي اني اول واحد همتحن وانا اساساً مش عارف المادة اسمها اية
رحت فارد صدري وقولت يلا احنا مبنخفش , خير اللهم ما اجعلة خير لقيت الدكتورة شادة كرسي وقاعدة جمبي وبتقولي جملة عمري ما هنساها :
عريي الكيسة وهات الهارد هفنطهولك , فضلت بعديها 5 دقائق مصدوم من اللي بتقولة , اول مرة تقعد جمبي وبتقولي عريي انا خفت مكدبش عليكوا ورحت باعد 10 متر عنها , المهم عملت نفسي من بنها وقلت : نعم ؟
قالتلي : بقولك عريي الكيسة
كان ناقص تقولي رص انت الحجرين وانا هرسيك ع الحوار
, اصل الواد بروسيسور شبك اسلاك مع البت رامات فراحو للهارد يهدي الشحنة ما بينهم , انما الفانة ابدا , راحت مهوية ف دماغ الهارد ونافخة فية لحد ما حلف يمين مسامير انة ما يفرمت الحوار دة من دماغة , وهيعمل للبروسيسور والرامات اعادة ضبط مصنع .
رحت هازز راسي ومعريها
رسالة للكيسة : انا اسف يا غالية انا مكنتش اقصد بس حكم القوي
وبدئت الامتحان وفنطت الهارد الحمدلله , وحتي الان انا مش فاهم يعني اى تفنيط الهارد بس الاهم من كدة , قالتلي كلمة خلتني استأذن وامشي , اديتني الهارد وقالتلي : حسس علية
سمعت دي من هنا ورحت واخد بعضي وماشي قبل ما اتمسك اداب
استفسار لكل الناس اللى عندها محصلة دينية كويسة : هل تعرية الكيسة يعتبر زنا ؟
——————
مقدمة بسيطة للي حصلي فى الشقة اقصد المعهد , هكمل بقي حكايتي مع “بنت الجزمة” وهنا احب احط عنوان
Btates VS Bnt elgazma
المهم هي قدرت اني طفل بقي وادتني مصاصة ولعبنا مع بعض وبس كدة .
” هنربط الكاتب تاني ونذيع الحوار اللى مذعوش الكداب كدب الابل , ونحطة زي ماهو كتبة بالظبط ”
سألتني الكلام دة حصل ولا لا رحت قايلها لا دة انا كنت بشتم المقلمة قالتلي حد يشتم مقلمتة قالتلها الدسك الدسك قالتها جد يشتم الدسك
رسالة : بذكائك كدة يعني عمال تقوليلي حد يشتم اية وحد يتشم اية وهو فى حد بيشتم المقلمة والدسك يا بنت الـ*@#$%@#
اخر ما زهقت رحت قايلها اة يا ميس انا شتمت حضرتك واصلا مكنتش اعرف يعني اية شتيمة , فالمهم بعديها يا مؤمن عينك ما تشوف الا النور , ستات بتصوت وعيال عمالة تقول اديلوا اديلوا ومعرفش مين دة اللى بيديلوا , وتقريبا كانو هيحرروا فلسطين , المهم يعني بلاوي حصلت
فين وفييييييييييين لما المهرجان دة خلص ولقيت المدرسة بتقلعني الشراب والجزمة وبعديها راحت حاطة ايدها على البنطلون
رسالة تانية : انتي كنتِ عايزة اية ؟ ها ؟
انا رحت شابك فى البنطلون وابداً ما اسيبة , الكرامة مش ببلاش
راحت موقفاني على طراطيف صوابعي على الصبورة طول الفسحة , والعيال عمالة تتفرج عليا ويضحكوااا وانا اعييييط وهما يضحكواا وانا اعييط ” بصوت عادل امام ”
وهوب الفسحة خلصت والعيال كلها اتبخرت ودخلت المدرسة ومعاها مدرسة تانية , قالتلها : ينفع الواد دة يشتمني
راحت المدرسة التانية بصالي وقالتلي : ينفع ؟
رسالة تالتة : انتوا كنتوا بتعملوا صدي صوت مع بعض ولا اية مش فاهم ؟
رحت قايلها : بنيطةبنيهيعاستمؤى
قالتلي : اية
– خبنيهخحبتعاسي
وفى الجملة التانية دي حميتها تفاف ‏‎grin‎‏ رمز تعبيري
راحت قالتلي : اسكت اسكت اللبس شرابك والكوتشي وامشي وانا هتفاهم مع والدتك
” نترككم مع الكاتب ليكمل لكم باقي الاحداث ”
انت ياعم بيني وبينك طار ولا اية بتسيحلي ديماً لية ؟
” هو هكذا اركن بقي واكمل اليومية ”
ممكن سؤال ؟
” اتنيل تفضل ”
انت مين ؟
” اني ضميرُكَ يا حيوان ”
ممكن سؤال تاني ؟
” لقد خنقتني , انجز ”
هو لية ضميري بيتكلم بالفصحي ؟
” … تمويه ”
ما علينا , المهم لبست والحج “محسن” روحني وطبعا عرف مني الحوار , والحوار اتنقل للحجة , للعلم اني كنت دلوع ماما جداً
راحت شدت الحزام زي ما عمو السادات كان بيقول وراحت ع الادارة وش
وطبعا انا رحت معاها , احب اذكر اني قعدت ساعتين فى اوضة سامع اصوات ناس كتير غطي عليهم صوت الحجة بزعيقها ‏‎grin‎‏ رمز تعبيري
ولقيت استعداء للمدرسة وجت فعلا وراحوا طلبوني وحكيت كل اللى حصل , وفجأة وسبحان الله لقيت المدير بتقول للمدرسة تقف على الحيطة وترفع ايديها لفوق
انا فى الموقف دة حطيت رجل على رجل وانشكحت احلي انشكاحة وانا شايف المدرسة قدام عيني متذنبة
المهم بقي وانا حاطط رجل ع رجل خدت مصاصة وعملت لساني احمريكا وكنت كل شوية اطلع واقولها : نينيني نينيني
رسالة رابعة للمدرسة : لولا اني محترم كنت قلعتك الشراب والجزمة و … ولا بلاش حرام برضوا احنا عندنا ولاية
انا 1
المدرسة 0
وبعدين مشينها وخدت حقي طبعا بفضل الحجة , وخدت الوصايا العشرين ساعتها ان محدش يمد ادية عليا واسكت واني اضرب اللي يضربني .. الخ
, ببعديها بأسبوعين لقيت المدرسة استقالت من المدرسة
انا Winner
المدرسة Loser
وسنة تالتة رحت ناقل مدرستي المفضلة اللى حتي الان بعتز اني كنت فيها ” المنار الخاصة ” , قضيت احلي واوثخ ايام فيها , طبعا حتي سنة تالتة ابتدائي مكنتش بعرف اقري ولا اكتب , فى مدرسة رياضة وكانت بتدي عربي برضوا راحت قالت لأمي انا هعلمة وفعلا بعد مجهود متواصل وصعب فحت , قدرت اني اقري بس مش اوي وبرضوا قدرت اكتب وبرضوا مش اوي , وساعتها انا كرهت العربي وكنت بهرب لما اذاكرة
رسالة للمدرسة الفاضلة : عليا الطلاق اسيادنا راضيين عليكي
ف البيت بقي ماما كانت عاملة بطاطس , رحت ناسفها كلها واختي كانت ملاحظة كدة , ومن يومها اطلقت عليا اسم بطاطس لحبي وعشقي الفظيع للبطاطس , بس كدة ودي قصتي مع البطاطس واني بقيت بطاطس واسمي ولقبي اصبحوا بطاطس
انتوا دلوقتي هتقولوا : والله نسيت ان الموضوع عن بروطة ” بصوت شريف منير ”
هقف لحد هنا لاني جايب بطاطس ومش قادر بصراحة , واجب البطن يناديني , اشفكوا فى اليومية التالتة من ” يوميات بطاطس ”
لمعرفة اللي حصل مع بطاطس فى الايام الدراسة من اول سنة تالتة ابتدائي لحد تالتة اعدادي
مع تحياتي بطاطس , والسلاموووا عليكوم.