يا قطر الموت
بقلمي / مسيو احمد الصعيدي
متبكيش علي يا امى متبكيش
سامحيني انا ماشى ويمكن متشوفينيش
فى يوم الجمعة على فين يا قطر رايح
هتصولنى ولا هتلم فى صفايح
وهترسى على رصيف ولا
انكتب علي اشوف فيك الدم سايح
مسافر وشارب من المرار كاسى
واقول ده قدر ونصيب والحى بيقاسى
ادور على لقمه عيش لعيالي ولأمي
وجه الموت وخدني قبل ما اسمى
مسافر وربك عالم بي وبحالي
رايح لجيشى وسلاحي راس مالي
ومعاى جرجس ومحمد نفس موالى
وطريق طويل قولت احكى أحوالي
وطلبت شاي وصاحبي ال قبالي
أتريه العمر فيك هين وما عندك
عزيز على وطنه ولا عندك غالى
==
يا قطر الموت كفاية وبزياده
وجعك زاد والموت فيك بقى عاده
وكل عيد مكتوب عليك تبكينا
ال يموت فيك محروق وليتقطع
وكأنك جزار بسكينه
ارحمنا لله وسيبنا ال فينا مكفينا
وبسبك مصر تعيد حزينة
وشباب زي الفل راحت كانت وسطينا
ارحمهم يأرب بكرمك
واجعل النبي شفيع فيهم وفينا
يا قطر الموت
