ولا يهمك يا أنا …… بقلم عادل جاد ***************

cairo1

فيهم اللى فاهم واللى مش فاهمه
اشكال كتير وألوانهم كلها باينه
منهم القريب ومنهم اللى من حته تانيه
في منهم سعيد وكتير ناس فى الدنيا تايهه
قلوب سعيدة وغيرها حزينه وقلوب ملهيه
ناس بتضحك وناس بتتمنى الضحكه ثانيه
وأهو على كل لون وشكل مليان حواليه
طول ماأنا عايش ياما هتشوف كتير عنيه
ياما كتير ناس مشيت وياما كتير جايه
هى الحياة كدة شويه عليك وشويه عليه
ادينى راضى بقسمتى وابوس اديه
سعاعات كنتر فاكر انه فى حاجه ليه
لكن بجد فى الاخر كانت فاضيه ايديه
ولا يهمك ياأنا كدة نفسى مرضيه
كل واحد بياخد نصيبه فى الدنيا ديه ……
بتبكى ياقلبى .
متبكيش على اللى راح وسيبه وأنساة
عارف أنك حزين لأنك كنت بتتمناة
كنت انا وانت فاكرين اننا لقيناة
أتارى كل واحد عن التانى تاة
ظلمنا كتير وهو فاكر أننا ظلمناة
ياريت ياقلبى ماكنا خالص عرفناة ……
عيش وخلاص .
أهى حياة عيشنها وبنقضيها
احنا ملناش نصيب ابدا فيها
ولا هنفرح بعيد عنها ولا بيها
ولا حتى حد عرف كل معانيها
يبقى عيش وخلاص وطظ فيها

Related posts