وصفى انا
لا بلونى ولا بااسمى
انا اللى بفعلى تعرفنى
بقول الكلمه من قلبى
واحساسى بيوصفنى
تشوفنى الناس بتحسدنى
تقول الدنيا شريانى
وانا اللى الدنيا طحنانى
وعجنانى وخبزانى
انا ياما انكسر ظهرى
واللى كسرنى قوانى
وب امبارح بنيت اليوم
ويومى حبنى بيه بكره
حجيب م الذكرى اسعد يوم
ولاحزانى مش فاكره
وبتحدى سنين عمرى
هعيشها حتى لو رافضه
حعيش
حعيش بين الغصون ورده
على عودى بجذور ثابته
ومهما الدنيا حتعاند
هحايل فيهاواسترضى
وهى ضرورى راح ترضى
وترضى ولا ما ترضى
انا بارادتى هتحدى
انا بارادتى هتحدى
——————————————–
سميره الاسريجى
ماما نونه
وصفى انا للشاعرة سميرة الاسريجى (ماما نونه)
