نابل زين البلدان.

رفيق بالرزاقة/تونس

ياما زرت بلدان جميلة
لكن في زين نابل ما ريت
اسمها الروماني نيابوليس
يجيوها الألمان و الفرانسيس
شهرتها بالصناعات التقليدية
و حصاير و قفف السمارية
نابل بالزهر و التوابل متسمية
في الصيف تتعبى بالدزيرية
يحبوها الناس الكل جملية
ما أحلاك يا نابل يا بلادي
راهي درة البلدان يا أولادي
يحبوها كبار و صغار
و السكنى فيها أكبر أفار
العيشة فيها مرتاحة
و شوارعها في الربيع فواحة
سوانيها في يدين أحسن فلاحة
و ماكلتها بنينة بصراحة
نساها دبيرة و صحفاضة
تعاون رجالها بحذاقة
و بناتها زين و رتبة و فيانكة
و ثمة بنات يسوقو الطقطاقة
و منهم برشة الذكاء و الحذاقة
نحبك يا نابل المزيانة
العيشة فيك مرتاحة
و متفرهدة و مطمانة
يجيوها من كل الجهات
و فيها يعملو برشة أفاريات
يعرسو و يبنيو الفيلات
و يجيبو فيها الوليدات
في نابل ديما التعمير
راهي بلاد الخير و الخمير
يعليك يا نابل يعليك
و لا يشويني فيك