من أحب الكلمات إلى قلبي
ماكتبته عن الشاعر الراحل فؤاد حداد
***** بقلم:طه صلاح هيكل
اسمك فؤاد حداد
وحشتني
وحشني كلامك و غُناك
حزنك وبُكاك
عمرك حكاية حب
والرِّجل تدب مطرح ماتحب
واصحى يانايم
وحِّد الدايم
حبك لمصر ده كان حكاية نغم
وغرامك بيها كان فرح ممزوج ألم
وبفتكرك وأنت بتلاغيها
بتغازلها وتناجيها
مسحراتي من غير طبلة
بتحكي غرامك بعبلة
وغناويك مليانة شجن
من بغداد وقادش وعدن ومن برقة ومن مراكش
ومن أعالي البلاد وحتى أدناها
ولكن مصر لأنها ملياك من جواك
مت ف هواها
وأنت بصنعة لطافة تحكي لها هواك
ده انت حكاية ياعم فؤاد صعب تتكرر
صنعتك مغرم صبابة
مهنتك عاشق ترابها
والشهرة فؤاد حداد
يا طولة صبرك ياغرامك
بمصر وأهلها الشداد
مهارتك في حبك مش رغي وكلام
عشقك وروعتك ملهومش حدود
وأرجع أقول
المهنة مسحراتي
والاسم فؤاد حداد
طه صلاح هيكل
من أحب الكلمات إلى قلبي ماكتبته عن الشاعر الراحل فؤاد حداد
