مســـحـــراتــي .. أنــــا …؟؟!!
شعـــر / مخــــتــار عـــيـــَّــاد
مــســحــراتي .. أنــــــــــا
دايـــــر ف الظـــــــــلام
بأصـــرخ وأقـــول ياهــووه
كان من زمان فيه حــمـام
بــيـغني باســم الـســــلام
لــيـه الحــمـام دبـحـــووه
…..؟؟!!
كان فـيـه شــجر زيــتـون
طارح وفــارد غـصـــون
لــيه م الجـــدور خلـعووه
…..؟؟!!
صبح الســـلام أوهـــام
وخــداع بحـبـة كــلام
دا كــدب لـتصـدقووه
……………!!
وإصـحـي يـانــايـــم
يانــايـــم إصـحـــي
وحـــــــدووووووه
………..؟؟!!
مــســحــراتي .. أنــــا
داير علي البـيـــبــان
غــرقان ف حـُزن وهــم
ف القـدس وف لـبنان
بـغـداد وســوريا كمـان
يتسحــروا أحــــــزان
وبيــفــطـروا علي دم
ف نظـام عـالمنا الجديد
الـظـُلـم عـًـمـال يـزيــد
والحــق ليـه خـنـقـووه
وإصـحي يـانــايـــــم
يانــايــــم إصــحــي
وحــــــدوووووه
………؟؟!!
مــسـحـراتي .. أنــا
دايـــر ف عــز النـهار
بأصحـي ناس صاحيين
ومصهيـنـين ع الصـهـاينة
وكإن مش شـــايــفـيين
إللي بـيـجــرا لـُهـــم
ف البـصـرة .. وفلسطين
صوتي إتنبح م الصـُراخ
والخــلق ماسـمـعـوووه
وإصـحي يـانــايـــــم
يانــايــــم إصــحــي
وحــــــدوووووه
…….؟؟!!
مســحـراتي .. أنـا
بأصــرخ وأقــول : ياعــرب
لـيـه كل يـوم ننــضـرب
وتـكــون ردودكم خــُطب
ليــه مجـدكم تــنـسـووه
دا اللي بيرضي الهـوان
بــيـقـَضي عـمره جـبـان
لا الكـعـبـة يــوم تبقي أمه
ولا نــيـلـنـا يـبقـي أبــووه
وإصـحي يـانــايـــــم
يانــايــــم إصــحــي
وحــــــدوووووه
………….؟؟!!
(رمضان 1993)
