مات الكلام
بلاش عتاب وبلاش ملام
مات الكلام
بلاش خصام وبلاش سلام
مات الكلام
بلاش تحاول تعتذر
لاني قلبي اللي انكسر
وملهوش لزمه الاعتذار
اصعب حاجه الانتظار
امشي وابعد باحترام
عشان مات الكلام
هيفيد بايه الندم
هتحيي حاجه من عدم
كل شيء أتدفن واتردم
وكأنه مدفون في الظلام
مات الكلام
بلاش تحكي في اللي فات
وبلاش تصحي الذكريات
كل اللي بنا مات
مات الكلام
سيب ذكري حلوة كانت ما بنا
سيب غيرنا حتي يفتكرنا
بلاش عشانك أو عشانا
عشان يدوم السلام
مات الكلام🖐️
بقلمي مايسه محمود 🌹
مات الكلام
مات الكلام….المبدعه / مايسه محمود
