كلهم خطوط حمراء
بس احنا بلهاء
بنصدق كلام عبيط
ونقول فين الغباء
مفيش خطوط حمرا
ولابيضا ولاخضرا
مفيش خطوط من الأساس
كفايانا انعدام إحساس
بنقدس ناس ميستاهلوش
ونقول هما دول والباقي هاموش
ياعالم الناس بتتقتل كل يوم
ضباط وقضاة وأطفال وكبار
الإرهاب مابيفرقش بينهم
واحنا تايهين في دروب الحياة
سكتنا كلها أشواك
ومصايب منتظرانا
بسبب حكم الجماعة
والإجرام في حق الدين
يا عالم الحق واضح زي الشمس
ناس خانوا وباعوا وماشيين في الهلس
أفعالهم يندى لها الجبين
خونة على كل شكل ولون
وزعلانين من حكم القضاء
لو كنتم ظالمين يبقى ده جزاء أفعالكم
ولو كنتم مظلومين انتظروا رحيلكم
عن الدنيا الفانية وده غاية أملكم
مفيش خطوط حمرا
فيه علامة صفرا
عمت عنيكم عن الحقيقة
وفهموكم أنكم في جهاد
وأسيادكم منعمين في الفساد
ايشي ف قطر وايشي ف تركيا
وكله كوم ويسقط يسقط حكم العسكر
كوم تاني
طه هيكل
