ليلة سهر
بعد الضجر
استأذن حبيبي من القمر
فرحلي قلبي وسلاني
بالنعس جفني أكتحل
ميل على خدودي الخجل
وعشفافي بسمة أمل
وخيفانة قلو تعبانة
كمل حديثو وشو سرد
قصة ومغزاها العند
قالي أنا مصدر سعد
لكن روحو عتبانة
حاببنا نبقى عالوعد
خايف علينا من الحسد
مشوارنا ما بلش بعد
وما بدو كون ندمانة
قالي انا وإنتِ فرد
بفديكِ بروحي ومستعد
كون حاميكِ للأبد
بس انتِ تكوني رضيانة
هيدا حبيبي وبعشقو
قلوب اللنا صدفة التقوا
شو بقلكن عنو صدقو
متلو ما في شخص تاني
– هدى غازي –
