قصيدة عن شهداء الوطن
بقلمي
الشاعر و الكاتب/ محمد يوسف
🌹🌹🌹🌹🌹🌹🌹🌹
مات كام شهيد؟
ايه الجديد؟
لو مات شهيد. فيه الف غيره بيتولد
دة شيئ اكيد
نام يا شهيد
افرح و عيش في جنتك
اليوم دة عيد
نبكي و نصرخ من الفراق
وبإيه بفيد
هتقولوا عشنا بحسرته. واهو راح بلاش
لا دة احنا متنا من الأسى. وهو اللي عاش
ياما ناس كتير ماتوا في حياتنا. ومهمناش
بس النهاردة عريسنا طالع للسما بدر التمام
زفة ملايكة مزهزهة لأجمل غلام
علي إيه بقة حسرة وآلام
يمكن زعلنا كان قلق
على حلم عمره اللي اتسرق
على قلب أمه اللي اتحرق
لكن دموعنا بس حبر علي ورق
ولا تسوي نقطة من دمه وحبة عرق
ازاي دموعنا تساوي اطهر ما خلق
وعلى ايه دموع بزيادة هم كفاية
مبقاش رجوع و لا دي هتبقي نهاية
قيدو الشموع واقرو عليه كام اية
وادعو بخشوع تعلي لمصر الراية
ولسة المدنة مرفوعة بادان منصور
ولساه الصليب واقف و مش مكسور
و لسة فيه أمل طالل في قلب النور
وراح نزرع بيوتنا خضار وارضكوا بور
ومهما تحاولوا يا اندال هتفضل مصر
و حتى لو هدمتوا السور هيبقي القصر
و نحلف مهما كان منكم هييجي النصر
وهنصلي في كنايسنا صلاة العصر
