مكتب الإسكندرية : ياسر بدرى
قصيدة ” ارسم خطوط حلمك ” للشاعر محمد السيد
ارسم خطوط حلمك بـ ايدك
و انده عليه انت اللى سامع
وامسك فى الشئ اللى يفيدك
وتبقى له انت اللى صانع
واعلن اليوم تاريخ ميلادك
عُمر اللى فات ما يبقى راجع
وافرح بـ الدم اللى فـ وريدك
قلبك يعيش من غير مواجع
بُكرة اللى جاى ده جاى يزيدك
طول مـ انتا عندك الدوافع
املك عشان توصل لـ هدفك
لازم يكون فـ السما رافع
اخلق طريق يكون طريقك
وامشى ودوس فـ كُل شارع
عدّى الخطوات و زيد رصيدك
واحلم وعيش بـ فكر واسع
طول مـ الامل مهوش بعيدك
حاول تعيش من غير موانع
كُل الصعاب تبقى عبيدك
وانت الوحيد من غير مطامع
اللى تكون مالك فـ ايدك
الكون ده كُلهُ بدون مُنازع
