طعون القلب
بقلم دكتور :عصام حمزة بخش
قلبي من الفرقه و زادت طعونه
وخلي هني بالبُعد اشقاه و اكواه
ياناس بالله ذكروه عن شجونه
من بعد ما امسيت احبه واهواه
قولوا له اشتاقه وما احيا بدونه
تعبت اشكي بالقسى أه ما اقواه
يا ناس عني .. بالخبر بلغونه
سقيم عاجز عن غرامه ونجواه
وين الطبيب اللي يعالج جنونه
يزورني ويشيل عشقه و بلواه
مالي سوى أصبر واجاري جنونه
أعيش معاه برغم مُره و شكواه
يا زين خليكي .. لقلبي حنونه
خلي عيونك طب قلبي و سلواه
د . عصام حمزة بخش
