كتب سيد عبد الحفيظ خضر
العائلة المقدسة نزلت مصر هربا من بطش هيرودس اللي كان بيقتل الأطفال اللي مكملوش سنتين في بيت لحم ، كان السيد المسيح وقتها مكملش سنه من عمره ، فكان لازم يوسف النجار ياخد العذراء مريم والسيد المسيح ويهرب بيهم لمصر خوفا من أن يصيب السيد المسيح أي أذى وكمان حسب الرؤية اللي جات له في المنام وقالتله خد الطفل وأمه وأهرب بيهم الى مصر .
لما نزلوا مصر قرروا يروحوا حته أسمها برية قسقام في الجنوب المصري اللي هي الدير المحرق حاليا ، باسيوط وهناك دشنت اول كنيسه دشنها السيد المسيح وكانت مبنيه بسعف النخيل واعتبرت من اشهر الاماكن المقدسة علي مستوي العالم وبعد ذلك قطعوا مسافه كبيرة جدا على ضفاف النيل وعدوا على بلاد ياما ، ساعتها كان لازم يعدوا على صنبو بإعتبار أن الدير المحرق زمان كانوا بيروحوا له من صنبو السيدة العذراء مريم لما وصلت صنبو وكان معاها السيد المسيح عليه السلام كانوا تعبوا جدا من طول الطريق والتعب بان عليهم ، أهل صنبو لما شافوهم رحبوا بيهم جدا وأستضافوهم وقدموا ليهم مكان يباتوا فيه وحضروا ليهم العشا كمان ، في الوقت دا كان السيد المسيح أتم سنة من عمره ، تتخيل ! فضل مسافر مسافر ولما أتم السنه الأولى من عمره أتمها في صنبو .بعد ما صحيوا وكانوا قضوا ف صنبو ليلة بحالها ، العذراء مريم وهي بتودع اهل صنبو أبتسمت وقالت ( صنتي بنا ، فصان بكي ، فسنة به ) بمعني أنك أنتي حفظتينا فربنا يحفظك وكمان أبني كمل فيكي سنة.الكلام دا مش كلامي ولا أنا سامعه من حد كبير ، الكلام دا مكتوب في كتب التاريخ وكاتبينه مؤرخين كبار زي الجبرتي والزمخشري وكتير من اللي بحثوا في تاريخ سير العائلة المقدسة .يعني لما بنقول هنا اسيوط مولد الحضارات ومكان مقدس مرت عليه السيده مريم العذراء ديه مش مبالغه مننا دي حقيقه
فياريت وأنت قاعد بتشرب قهوتك في شغلك أو في سكنك في أي حته في العالم الكبير دا ، خليك واثق ومتأكد أنك مش بس من مصر مهد الحضارات وأقدم أرض في العالم ، دا أنت كمان من أقدم محافظة من المحافظات
لو عجبك المنشور لايك وشير للصفحه
#اسيوط الماضي الحاضر
