قالب الكفتة:
فنون مطبخية
دينا جمال رفاعي
المقادير: كيلو لحمه مفرومه / كوبايه فول صويا منقوع نص ساعه ومتصفي ومفروم / بصله مفرومه / فصين توم مفروم / ملح / فلفل / بابريكا / رشه قرفه / رشه جنزبيل / معلقه كبيره باربيكيو صوص / ورق زبده /
صوص المشروم ( علبه مشروم او فريش / صوص الكفته / معلقه كبيره دقيق / مايه / رشه ملح وفلفل بسيطه اوي / معلقه زيت )
الطريقه:
1- اول حاجه في بولا كبيره هنحط اللحمه المفرومه وفوقيها كل المكوناات دي فول الصويا والبصله والتوم والملح والفلفل وبابريكا والقرفه والجنزبيل والباربكيو صوص ونقلب كله حلوووو اوي
2- هنجيب قالب مستطيل ونحط في ورقه زبده وبعدين الكفته ونغطيها بورقه فويل وندخلها الفرن علي 170 كده تقريبا لمده ساعه و ربع تقريبا وممكن اقل شويه مم كده ونشيل الفويل ونفتح من فوق تاخد لون بسيط ونقفل
3- لو حابين نفتح فحمه ونحطها جواها في ورقه فويل وعليها نقطه زيت ونغطيها تاني كويس لحد قبل الاكل
4- ريحه وطعم خطييير جدااا 😊 وسهله بردو وممكن نقدمها مع زر او مكروونه وبالف هناااااا 🌹
( هنا عملت معاها رز بالزعفران وهنقول طريقته في بوست تاني باذن الله )
5- الصوص هنحط معلقه الزيت عليهم الدقيق ونقلب كويس وبعدين هنحط الصوص اللي نزل من الكفته ونقلب حلو اوي ونزودها بالمايه لحد ما سمكها يبقي تمام وبعدين نحط المشروم والملح والفلفل ياخدو غلوه ونطفي 😊
