متابعة /ابراهيم سالم المغربى
بقلم:-راغب قاسم الشويعر
عضو إتحاد كتاب مصر
عن الكورونا.
الخوف سكنا يا خلي
و العيشة تمت بين و بين
فيروس عنيد ما بيخلي
لا باشوات و لا بوابين
الخوف سكنا ما خلاص
و إيه ح تفيد الملامه
ما تدعوا يا عالم بإخلاص
يارب جيب السلامه
الخوف سكن فينا يا هوه
يا رب العالمين سلم
الأخ بيقابل أخوه
خايف منه ما بيسلم
الخوف سكن جوا القلوب
لما الركب مني سابت
ياك مايكون دا ملعوب
خلي الرؤوس منا شابت
الخوف سكنا يا عالم
خلانا فوتنا المساجد
مولايا بالحال دا عالم
يارب لغيرك ما ساجد
الخوف سكنا و مساكين
أزمة و يا رب تعدينا
علينا بيبان البيت ساكين
فيروس ما يقدر يعادينا
الخوف سكنا يا خالي
مكروب غشيم و متعافي
و لا حد في الدنيا خالي
يارب تشفي و تعافي
تأليف راغب قاسم الشويعر
عضو إتحاد كتاب مصر
