عاملتنى بالقسوة
وانا طبعى مش قاسى
من كتر ماشوفت منك
مات فيا أحساسى
الناس تصون العِشرة
وانا شاربة مرار كاسى
نَفسك عليا عالى
وانا كاتمة أنفاسى
محسوب عليا سند
طب أحكى ايه لناسى
فاكرينك عزوة ومدد
متفصل على مقاسى
وانا صابرة وعندى جلد
ومين لقلبى يواسى
فيه حاجات تتحكى
وحاجات ماليها مراسى
وحاجات لو تتحكى
عايزة ميزان حساسى
ياما أشتكيت منك إليك
وضربت أجراسى
وابوس على إيدياك
بتزيد وجع راسى
إنك يوم تتغير
فى العتمة تكون نبراسى
وصبرت عليك ربما
تراعى يوم إحساسى
على أمل تفوء إنما
كان طبعك حاد وقاسى
Related posts
-
حب الحياة
حب الحياة بقلم الشاعر • هاني عياد حب الحياة وعيش حياتك وإوعاك تقول القطر... -
حب الدنيا وحب الناس
بقلم: فتحي الحصري حب الدنيا وحب الناس واوع تبطل حب اوع في يوم تغضب وتقول انا... -
سَاكِنُو الْقَلْب
سَاكِنُو الْقَلْب بقلم دكتور: عصام حمزة بخش سُكُونُ قَلْبي … يَرْتَجِفْ لِبَنَاتي وَاللهُ يَعْلَمُ .. بِدَعْوَاتي...