نهى وجدي
رد بعض الفنانين والإعلاميين والصحفيين على موقف بيومي فؤاد عقب رده ومهاجمته لمحمد سلام ورفض الآخير السفر لعرض مسرحية زواج اصطناعي
حيث قالت الإعلامية ريهام سعيد عيب عيب اللي انت عملته مش غلط انك تروح وتقدم المسرحية لكن غلط اللي انت قولته
https://fb.watch/ocqC13uG3m/?mibextid=Nif5oz
وكتبت المخرجة كاملة أبو ذكري
” الأستاذ الفنان إلي كنت واحده من محبيه
لو حضرتك فاكر إنك لما تعمل عمل إتحضر و إتكتب و إتنفذ في تلات أيام
و تروح تعرضه و ترقص و تغني و تضحك و بعد كده تأخد ألاف الدولارات
لو ده بتسميه فن فأنا لا يشرفني إني أكون زميله لك في هذه المهنه
و لما تكون بتعرض التفاهات دي ده لا يشرف الفن المصري
و لما تعرض التفاهه دي و جارك بيد..بحوا أطفاله و نســ ـاءه و رجا.له و تقولي الفن
يبقي ماعنديش كلام أقدر أقوله غير إن
الإحساس و الفن نعمه إنتم أخر ناس تتكلموا عنها “
وكتبت الصحيفة مادونا عادل عدلي عبر حسابها على موقع التواصل الاجتماعي فيسبوك
انا من ال ٨٠٠ الف اللي ألغول متابعة #بيومي فؤاد
رأي ووجهة نظري علشان كتير قوي بدأ يهاجمني بسبب بيومي فؤاد انا اخدت بأن كتير في جروبات كتير
مش غلط انك روحت وقدمت المسرحية لأن ده شغلك انا عارفة كدة كويس جدا وكنت اتفقت مع الفنان محمد سلام لأجل مشاعره لكن هو ماغلطش تماما ولا اللي راحوا العرض غلطوا لكن الغلط بجد اللي قولته الغلط بجد اللي عملته
فين احترامك لكل الناس اللي اتوجعت على شبابنا وأطفالنا ونسائنا فين احترامك للفن اللي انت اتكلمت عنه ؟؟ انت هتقدر تشارك في عمل فلسطيني ؟؟ حتى لو اوبريت ؟؟ بعد اللي انت عملته ده ؟؟ كان ممكن تقدم العرض وتسكت بس اللي انت عملته ده مش صح تماما
وشنت الإعلامية مفيدة شيحة، حملة نقد لاذع على الممثل الكوميدي بيومي فؤاد، مشيرة إلى أنه تحدث عن زميل له خارج مصر بطريقة ليست صحيحة.
أنا بشرف بلدي.. بيومي فؤاد يوجه رسالة نارية لـ محمد سلام
وأضافت مفيدة شيحة، مقدمة برنامج الستات، المذاع عبر قناة النهار وان، مساء اليوم الأحد، أن كان من الممكن نقد زميله الفنان محمد سلام في مصر أو على السوشيال ميديا ولكن ليس على المسرح و خارج البلاد.
اوعى تفتكر أن تصفيق الجمهور لك أمس انك بطل مغوار
وتابعت أنها تلوم ما حدث من الفنان بيومي فؤاد مع زميله محمد سلام، ومن غير المقبول الخروج على خشبة المسرح ، والتحدث عن زميل آخر خارج البلاد، متابعة أن ما فعلته يقلل منا ، و اوعى تفتكر أن تصفيق الجمهور لك أمس انك بطل مغوار.
وأكملت مفيدة شيحة، أنه ما حدث من بيومي فؤاد غير صحيح وأقول له لا، وما فعلته إهانة لنا جميعا، ومكنتش محتاج تكسب بونط علي قفاه.
