بقلمي / رجا الاشقر
حوار بين المشط والشعر
حَبّ المشط للشَّعر مَرّة يقول
كِنّا صحاب وبهَمَّك تْشارِكني
صَرلي عُمر بْزِينتَك مَشغول
مرتَاح إِنت وإلِي مْلَبِّكني
ما عِدت فاضي فِيك صول وجول
مَرّة تْبَكّيني وْمَرّة تْضَحِّكني
أحيان بتْقِللي إنت إبن أصول
وْ ما بْظُنّك بشي يَوم تِتركني
وْأحيان بتْقول عَنّي غول
بتْفوت فِيّي بالعَرض والطّول
وبْحِسّ إنّو رَح ب تِهلِكني
يا صاحبي جايي لَحتّى قول
ما دَام بحسابَك بطّلت مَقبول
بخزَانتَك عِندَك فراشي كتير
فيها كبير وزْغير
ما عاد بَدّي بهدَلي وْتعتير
حِلّ عنّي إنت
حسِبني كَأنّي مَ كِنت
ما بريد بعد اليوم تِملكني
