حمد الله بالسلامه يابنت مصر وربنا يتم شفاك علي خير باْذن
الله
كتبت نسرين محمد
في أول ظهور للمصابة في تفجير الدرب الأحمر: «كنت بموت وربنا حياني»
قالت السيدة حلاوتهم زينهم المعروفة إعلاميا بسيدة الأكياس في فيديو تفجير الدرب الأحمر، إنها كانت عائدة من السوق، بعد شراء احتياجات أسرتها، أثناء سيرها في الشارع وقع الحادث، موضحة «لم أشعر بشيء سوى صوت الانفجار».
وأضافت: «أتصلت بجارتي لأن رقم تليفونها كان آخر رقم على هاتفي، وقولت لها: الحقونى بموت، ثم أصيبت بحالة إغماء، وبعد إفاقتى سمعت من المواطنين بقصة الانفجار ثم دخلت في غيبوبة مرة أخرى».
وأوضحت «أنا مت وربنا حيانى تانى، وشوفت فيديو التفجير اللى وقع أثناء سيرى في الشارع، وأولادى زارونى في المستشفى، وربنا يصبر أهالي الشهداء ويرحمهم، وكان ممكن أكون شهيدة زيهم وربنا هو المنتقم الجبار».
قالت إنها كانت تشتري طلبات منزلية لبيتها.
وأضافت حلاوتهم: “كنت بجيب فينو للمدرسة للولاد ليا ولجارتي، وملاحظتش وجود حاجة، والشارع كان طبيعي”.
واستطردت: “فوجئت إن فيه حاجة فرقعت وبعدين الدنيا ضلمت، وصحيت والأهالي بيفوقوني وجابولي حاجتي واتصلت بجارتي وقلتلها الحقيني أنا بموت عشان رقمها كان آخر رقم عندي”.
وأشارت إلى أنها سمعت الأهالي يقولون إن أنبوبة انفجرت ولم يكن يعلم أحد أنه انفجار، متابعة “بنتي هتتجوز في شهر 9 وكنت بسأل على أسعار جهازها”.
وأوضحت: “كنت شغالة قبل كدا بس قعدت من الشغل عشان بنتي الصغيرة تعبانة وعندها مشاكل في إديها، وجوزي شغال (زنجوغراف) بيعمل كروت نحاس”.
حفظ الله مصر وشعبها العظيم حفظ الله الجيش
تحيا مصر بعزة وفخر 🇪🇬🇪🇬🇪🇬
