كتبت خيريه الصباغ
أسيوط
عماد طفل عنده 5 سنوات كان مع والده جايين من القاهرة لحضور حفل خطوبة بنت عم والده في اسيوط واثناء الحفل عماد طلع على سور البلكونة في الدور الثالت وفقد توازنه وبنت معديه في شارع الجمهورية لفتت انتباه 3 أمناء شرطة مكلفين خدمة على البنك اللي تحت البرج للولد وانه هايقع حاولوا ينقذوه واحد منهم جري علشان يكلم حد فوق وتقريبا اعتقد انه مش هايلحق التاني رفع ايديه علشان يحاول يمسك الولد وميقعش على الارض .
الحمد لله قدروا ينقذوا حياة الطفل ومجرالوش حاجه وبخير وامين الشرطة اصيب اصابات خفيفه وتم نقله لمستشفى الشرطة بس الملفت شجاعة امناء الشرطة في التعامل العفوي مع الواقعة واللي اعتقد ان ابسط حاجه انهم يتكرموا تكريم لائق لانهم فعلا قدوة ومثل يحتذى بيه.
شكرا أمين الشرطة / كميل فتحي جيد اللي تلقف الطفل بايديه ومخافش انه يصاب
وشكرا أمين الشرطة / حسن سيد علي و أمين شرطة / صبري محروص عزيز قوة قسم ثاني أسيوط .
