تفاصيل حادث الحاجة راندا
كتبت فوزية فرغلي السويس
#الحاجه راندا ضحية جديدة من ضحايا التسوق عبر الانترنت
في محافظة #السويس .
لم تمر أيام قليلة على قضية قتل «محمد أحمد عبد العزيز»، الطالب بكلية الهندسة جامعة بنها و الشروع في قتل «إسلام حاتم» طالب هندسة طيران. حتي تكرر نفس السيناريو مع الحاجه راندا تغمدها الله برحمته الواسعه .
باختصار الحاجه راندا كانت عارضه انتريه للبيع عن طريق #الفيس او #اوليكس وكلمها شخص واتفقوا انه هييجي يتفرج علي الانتريه .. ومن يومين جالها اتصال وهي بتتغدي مع بنتها واحفادها قلتلهم هفرج الراجل ع الانتريه وراجعه ع طول .. راحت قامت ونزلت قابلت الراجل وكان معاه شخص تاني ( بناء ع اقوال الجيران الشهود ) وراحت تفتح الشقه اللي فيها الانتريه (-شقه مهجوره فيها عفش قديم ) في عماره تانيه جمب العماره اللي ساكنه فيها وبمجرد دخولهم الشقه قاموا بطعنها 6 طعنات وخنقها وضربها علي راسها حتي فارقت الحياه وخدوا المشغولات الذهبيه من ايدها والموبايل وهربوا . واحده من الجيران كانت طالعه العماره شافتهم وهي الشاهد الوحيد حتي الان في القضيه .
بنتها قلقت عليها بتتصل الموبايل مقفول راحتلها الشقه لاقتها ماتت الله يرحمها . وجاري تكثيف الجهود لضبط الجناه .
