شعر د./ايهاب البعبولى
تسلم قلوب كل الحيارى التعبانيين
تسلم حمول شالتها اكتاف الأنين
تسلم عيون حيارى وعيون سهاري
وعيون سهاد حضنت أنيني والحنين
تسلم جروح صارخةو بتنزف ملامة
سايلة على خدين بتجرى من سنين
ياه ياقبري ياحاضن كتير منا هموم
ياكتر الوجع وياكتر ما عشت حزين
يا مين يهون غربة النفس و وجعها
ومين يداوي سطوة الشوق والحنين
ومين يعيد جبل الزمان ال انقطع
ويعيد طريق طويل قاسي وحزين
ومين يواسي قلبي ال انجرح وال
اندبح وال صبح يدعي يقول آمين
يرجع زمانه كما كان حاسس زمان
وترجعله ضحكة وفرحه في العينين
تسلم قلوب كل الحيارى التعبانيين
