“باعوا الحب… عشان المال”
بقلم: المستشار الإعلامي والسياسي خميس إسماعيل
في ناس لما تشوف الفلوس… قلبها بيعمى،
تحوّل كل حاجة حلوة في حياتها لـ صفقة،
الحب؟ بيتباع…
والوفا؟ بيتكسر…
والأمان؟ بيتنسى.
في ناس بترمي عشرة سنين، وتبيع اللي حبّهم بصدق،
بس عشان حد معا فلوس أكتر،
يضحكوا على نفسهم ويقولوا “الحياة فرص”…
بس في الحقيقة:
دي مش فرص، دي خيانة مغلفة بورقة نقد.
الجشع طوفان،
واللي يجرى وراه… بيغرق في الطين.
والطمع سمّ،
يقتل الروح قبل ما يقتل الجسد.
شافوا المال إله،
ونسوا إن الفلوس بتخلص…
لكن الندم؟ بيعيش معاهم لعمر كامل.
لما يكتشفوا إنهم باعوا الحب الحقيقي،
وخسروا قلب كان أنضف من الذهب.
—
الخاتمة:
افهمها قبل ما يفوت الأوان…
في ناس أغنى من ملياردير،
بس عندهم قلب واحد بيحبهم بصدق…
وفي ناس فُقراء، حتى لو حساباتهم بالملايين،
لأنهم فقدوا أغلى عملة في الدنيا: الوفا.
