كتب/محمود عرفه عمار
استمرار لمسلسل الفساد داخل #احياء الاسماعيليه ادفع عشان تطلع قرار ازاله او أى قرار تحب تطلعه وكله بالرشوى شغال فى غياب تام لدور الرقابى للدوله على هؤلاء الفاسدين
والصوره دى للعقار رقم 23 بشارع رضا فى الاسماعيليه المقاول عايز يطرد السكان عشان يبنى برج وهما يترموا فى #الشارع
راح على الحى دفع الرشوى وطلع قرار ازاله للعقار وبعد كده اخد شويه ناس على شقه من شقق الورثه وكسر البلكونه عشان يظهر انى العقار بيقع
واحنا اخدنا رأى #السكان فى هذا الموضوع وقالت ايناس لطفى :-
هو الناس مبتشوفش ولا متعرفش كم الفساد المنتشر بحى ثان ويدعمه #محافظ الاسماعيلية
طيب الصورة دى بتتكلم عن نفسها الأبواب والشبابيك دى واقعة من نفسها ولا حد شايلها عمدا وسور البلكونة دى السقف سليم والجناب سليمة يبقى السور وقع ازاى وليه الا بفعل فاعل متعمد
( #ملحوظه فى صحفيه مغموره من الاسماعيليه اخدت فلوس من المقاول لنشر الموضوع على صفحه صغيره غير معروفه حتى تأخذ منه سبوبه من وراء هدم العقار )
واللى نشره الموضوع ده #قابضه كام من المقاول علشان يطرد الناس السكان الغلابة دول الموضوع ده معروف كويس فى الاسماعيلية
وهيفجر قنبلة فساد كبيرة جدا لملف هدم العقارات القديمة وبناء ابراج بمحافظة الإسماعيلية
كلها شركاء فيها المسئولين الكبار بالأحياء ومجلس المدينة ومديرية الأسكان والمحافظة ومهندسين استشارين كبار ومستشارين كمان
الموضوع كبير قوى قوى قوى ياجماعة والجهات الرقابية متابعه كويس والفضائح وغسيل الأموال هيظهر علنا فى الأيام الجاية ويمكن يكون العقار ده تحديدا هو القشة اللى قسمت ( فضحت ) ظهر البعير وتحيا مصر من غير رشاوى ولا محسوبية ولا غسيل أموال.
وقال على حسن من سكان العقار :-
ياناس انجدونا احنا مهددين بالطرد من البيت بسبب المقاول حسين عبد ربه لنا اكتر من اربعين سنه مولدين فيه مالناش مأوي غيره وما نقدرش نشتري حجره واحده المقاول #البلطجي ده بالرشاوي جاب ازاله طب نروح فين لله المشتكي عمل رشاوي كتير علشان يجيب القرار ده
والله العظيم المبني يستحمل #دورين كمان فوقه وهو شوه منظره لما هد البلكونه فيه وشال حلوق الابواب والشبابيك لما الورثه طلعوه منه غير كده جاب البلطجيه وضربوا واحد من السكان وقاعدين علي طول امام المنزل نعمل ايه لله المشتكي وحسبي الله ونعم الوكيل.
وقال محمد كامل من سكان العقار :-
علي فكره يا جماعه احنا السكان اللي سكنين في البيت ده ومعانا ورق من احسن مهندسين في #الجمهوريه ان البيت سليم ميه الميه
وان المقاول واسمه حسين عبد ربه دفع رشوه للمهندس محمد نصر رئيس لجنه #التظلمات وجاب الازاله ولما رفعنا عليه قضيه واجلنا الازاله بدا يخرب في البيت ووقع البلكونه دي وجاب بلطجيه وعوروا اتنين من السكان بسنجه وده كله مثبوت في النيابه
وقال ماجد سليمان احد السكان فى العقار:-
انا ماجد سليمان من سكان العقار واقطن فيه منذ اكثر من 50 عاما وما يحدث الان هو نتاج لفساد والرشوة للعناصر #الفاسده في حي تاني ومجلس المدينه ورغم الترويع وحالات الباطجه المتكرره الا اننا نثق في عداله القضاء المصري ولكن ما يفعله السمسار في العقار هي محاوله لاثارة الامن والبلبله في نفوس الناس البسطاء حتي يتكمن من طردنا واشاعة الفوضي في دوله القانون واناشد كافة المسؤلين الشرفاء اصحاب الضمائر الحيه ان يقفوا في مواجهة هذا السمسار وامثاله وان يضربوا بيد من حديد علي من تسول له نفسه ان يعبث بمقدرات الشعب البسيط صاحب الحقوق
وقال سيد ادهم من سكان العقار :-
اللي بيحصل في العقار المذكور ده اسمه #بلطجه
والبلكونه سقطت بفعل فاعل و المنزل صادر له قرار ترميم وتم التلاعب فيه لصالح المالك والموضوع كله في انتظار حكم القضاء المصري العادل بجلسه 27/12/2014
يعني خلال ايام قليله واكيد صاحب المصلحه هو اللي اسقط البلكونه للضغط علي المسئولين والمحكمه وعموما البيت ده يسكنه اربعه4اسر ويوجد عشرات المحاضر تؤكد اعمال البلطجه المستمره ضد السكان
#مباشر_من_الاسماعيليه :- كفايه حرام الناس طهقت من الفساد داخل احياء الاسماعيليه البيوت الاثريه اتهدت و الناس اللى اعدين فى بيوتها بتطرد وكله عشان السبوبه والرشوى .عايز تعمل ابراج ومساكن اطلع بره فى اراضى جديده خارج المحافظه مش ترفع ايجارات وتغلى شقق اهالى الاسماعيليه
