السعادة …..
حلم بنحلم بيه كلنا ….
بنبحث دايما عنه
وكأنه تايه مننا ….
لو ركزنا شويه بس
هنلاقيه جوانا
جوا قلوبنا ونفسنا ….
جوا عقولنا وتصرفاتنا وفعلنا ….
هو رضانا بأقدار ربنا ….
هو الفرحه اللى طالعه من قلبنا
لما نفرح لصحابنا وأهلنا …..
هو البسمه اللى بنرسمها
لكل محتاج للفرحه مننا ….
هو جبر الخاطر اللى بنعمله
للى يحتاجه مننا …..
هو الثقة واليقين في فرج وعفو ربنا ….
عرفتم فين السعادة …..
هى دى السعادة اللى كانت تايه مننا
…. لمياء محمود……..
السعاده بقلم لمياء محمود
