(الدرويش )
كتب كرم شعيشع
اللى يعرف انسانة مثلك
لازم يكون فى يوم درويش
*************
يعيش مجنون ويمر العمر
باحلامه يلاقى مافيش
*************
ويلاقى نفسه على رصيف نايم
وماسك فى ايديه
لقمة صغيرة من عيش
**************
انسان ضوافره طويلة من الهم
والا فى وش الدنيا هيكونوا خرابيش
**************
يحلم واحلامه للنور
مش عاوزة تطير
لان لا ليها جناح ولا ريش
*************
ويكون فى دنيا غريبة
كل يوم هتطلب منه تشبيه مع فيش
*************
وكل ما يمتلك من الدنيا
هدوم قديمة مصنوعة من الخيش
*************
ويعيش فى زمن من خياله
لاهو زمن انتر نت
ولا رجع تانى لزمن الطرابيش
************
عايش مسطول
وعمره ماداق على لسانه
بيرة وحشيش
************
كان نفسه يفرح
ويكون عنده اوضة نوم وسفرة ونيش
************
لكن الدنيا واقفة للفرحة
وقالت لها ياريت ماتجيش
*************
ده كلام عن الحزن فى قلوب الرجال
قلمى قال اكتب ياكرم وماتخبيش
************
وياريت الدنيا
تظهر بوشها الحقيقى للناس وماتداريش
***********
ده ذل الدنيا
بيقهر الرجال
ولا يقدر عليه سلاح اوجيش
