==== بقلم خميس اسماعيل ========================
1- تميم أفندي: لما رئيس القمة أعطى الكلمة لوزراء دول للكلام قبل “المحروس” ننوس أمه تميم أفندي، فوجئ الجميع – للمرة الثالثة – بهروبه من القمة. طيب اللى عمل كده رئيس القمة وهو شايف كده يحط مين قبل مين؟ هو حر… انت وزنك كده، هو شاف وزنك أنْدَر. بالمناسبة، انت وزنك كام جرام؟ وده في حد ذاته رد بليغ جدًا على المسخرة اللي حصلت اليومين اللي فاتوا، عندكم في الخليج، وقلة القيمة اللي جبتوا بيها العار والهوان مع مستر أبو حنان.
ومعتقدش إنه سقط سهوًا، لا يا حبيبي، ده مقصود وفيه رسايل كتير ليك وللي مشغّلك. يا رب تفهموا وتعقلوا قبل ما تسلموا المنطقة كلها للمجهول.
ثالث مرة يعملها تميم، انسحب في قمة 2019 وقمة 2023، وكل مرة يتقال إنه هياخد قرار تاريخي ومهم! وعدت سنين ولسه محدش عرف إيه القرارات التاريخية اللي خدها تميم لما انسحب؟؟!
أكرر تاني وتالت ورابع وخامس: انسحاب اليوم… لأن كلمة الرئيس السيسي ضربت له النظام الإقليمي اللي هو وأبوه شغالين عليه من التسعينات. انسحاب بيبيّن قد إيه تميم محبط ومُستفَز وبائس وحزين. كل التريليونات اللي اتدفعت ما غيّرتش من الأمر شيء… ومش حتغيّر يا أبو وزن خفيف.
============================
2- وزير خارجية سوريا: وشوف يا مؤمن، الفجر على أصوله، لما المتعاص يتكلم عن الشرف والطهارة وهو متعاص بره وجوه وراشش دواخل كمان… وشوف يا مؤمن الريأكشن بتاع صقر مصر الذهبي، كبير المنطقة، اهو…
هو ده دا كان ريأكشن الريس البطل (الصورة تحت) لما سمع وزير الخارجية السوري وهو بيقول: “لا نقبل وصاية من أحد، وهنحارب الإرهاب، وهنحرر الجنوب السوري من احتلال الكيان كمان!!!” حقيقي م.س.خ.ر.ة… حقيقي يا ريس، الله يكون في عونك، لما تسمع الكلام ده من حد أنت اشتغلت عليه بنفسك وانت مدير مخابرات حربية، وعارفه كويس جدًا، وتلاقيه طالع قدام الناس بيدّعي الشرف!!؟
هون على نفسك يا ريس، احنا كفاية بإذن الله. هما كده كده خيش وقش، وقت الجد، أول ما تقول “بُخ” بيجروا…
============================
3- الرئيس السيسي: شوف قال إيه: “حتى لو قام الكيان بعمل اتفاقيات تطبيع مع جميع الدول العربية، فإن السلام والأمن لن يتحقق للكيان إلا بقيام دولة فلسطينية على حدود الرابع من يونيو عام 67”.
سألوني أمس: ليه الرئيس السيسي لازم يحضر قمة بغداد؟ حبيت الإجابة تيجي من الرئيس السيسي شخصيًا، وادينا سمعنا بودانّا، وكان لازم الرد ده على كل المسخرة اللي حصلت الأيام الماضية، ويكون بوضوح ودقة وبعلم الوصول للكل!!! للجميع، وعلى الهواء مباشرة… بعيدًا عن الدبلوماسية.
لو حبينا نترجم كلام الرئيس السيسي بالبلدي كده هنقول: 1- التريليونات بتاعتكم ما تلزمناش بشيء، شأن داخلي بينكم وبين بعض. 2- دور الولايات المتحدة في الإقليم هو صناعة السلام فقط، لو مش قادرة تصنع السلام يبقى تمشي وتتكل على الله. 3- رفض تصدير الإرهابيين من سوريا. 4- رفض التوسع الجغرافي للكيان في الجنوب السوري واللبناني. 5- المنطقة دي ليها كبير… ومش متسابَة للصدف. مصر طبعًا.
رسائل واضحة ومباشرة من الرئيس في توقيت حساس، وتأكيد أن مصر هي رمانة الميزان… وأن وقعَت، وقع الوطن العربي بالكامل.
============================
الدول التي حضرت وما قالته:
مصر – الرئيس عبد الفتاح السيسي: لا سلام دون دولة فلسطينية، ورفض تهجير الفلسطينيين أو توسع الكيان الصهيوني.
العراق – رئيس الوزراء محمد شياع السوداني: دعم فلسطين، ورفض تحويل العراق لساحة صراعات.
قطر – الأمير تميم بن حمد (انسحب): انسحب للمرة الثالثة احتجاجًا على الترتيب البروتوكولي.
**الأردن
يايد كلام الرئيس عبد الفتاح. السيسي بإعلان دولة فلسطين
