(( أنت حالة ))
أنت حالة
واللي بين قلبي وقلبك
مايتحكيش ولا يتوصف
بأي حالة
كل اللي هقدر اقوله عنا
ان اللي بينا حاجة حلوة
معناها استحالة
ايوه صح هو كده
…استحاله ….
استحالة اني اشاركك
واستحالة اني افارقك
واستحالة ماكونش ليك
وكمان لايمكن اكون بتاعتك
واستحالة انسى طريقك
أو أخطي خطوة
تجيبني عندك
استحالة عيني تغفى
قبل ماعيوني تقابلك
واستحالة استحالة
أبقى …جنبك
واهم ما في الأمر كله
استحاله يوم هبيعك
او اخونك
ومٌحال يخاف غيري عليك
وكمان يصونك
استحالة تضيع وتخفى
عن عيوني
يا نور عيوني
شايلاك في قلبي
يا دمعة ساكنة
بين جفوني
استحالة يا حب عمري
تخيب في لحظة
فيك ظنوني
استحالة
وأنت حاله
