حقنة أمل…
****
هَـكتب رسالة يابشر
تحمي الحبايب م الخطر
دكتوركوا حالف ميت يمين
يطلع معاكم للقمر
لو حتى راكبين فوق جَمَل
والوصفة إيه..؟
حقنة أمل …
مش في العَضَل أو في الوريد
لكن ضروري وشئ أكيد
حتجيب نتيجة مذهلة
وتحل كل الأسئلة
لو يوم سألني القلب ليه؟
دقاتي ضايعة في الهوا ،
فين الغرام؟، فين الهوى؟
ساعتها هفتح شنطتي،
واكتب لقلبي روشتتي،
حقنة أمل،
مش في العضا أو في الوريد
لكن ضروري وشئ أكيد
حنلاقي حد يحبنا ،
ويكون بيحلم زينا
ونعيش معاه قصة غرام
وحكاية حلوة تِكتَمَل ،
والفرحة تسكن قلبنا ،
لو بس ناخد كلنا…
(حقنة أمل) للطبيب الشاعر/ د.محمد رزق عبدالحليم/
