طظ ف اي حد يمشي
من البدايه ميستهلشي
والحقيقه كسبنا بعده
لجل قلوبنا متتكسرشي
…..
طظ ف اي حد فارق
خد حياته وماشي سارق
وقت من جوا التاريخ
لما كنت فاكره صادق
……
طظ ف اللي مهمهوش
قلب حاول ميخسروش
وأما حس الطيبه منه
خد حياته ومدلوش
…..
طظ ف اللي فاكرنا بيعه
صفقه يكسبها وسريعه
ياخد اللي يهمه منها
واللي يتبقا ف وديعه
…..
طظ ف الاندال يموتو
عدو من حياتنا فوتو
واحنا نوعدكم هننسا
شكل يومكم و حتى صوتو
…….
طظ ف اللي قلبه مات
واللي حاطيتنا زكريات
اللي لما حب يمشي
سحب مشاعره من سكات
……
طظ ف اللي كان ناسينا
اللي كنا عنده زينا
ولما داق المر بره
بكل بساطه قال يجينا
……
طظ ف اللي معادش فاكر
بكل حلوه لينا ناكر
ومش مهم الوحشه منه
اما الوحشه منا ذاكر
( طظ) ..للمبدع * محمد ابراهيم درويش*
