ياصيف ماعاد يثمر الحلو
بحنايا ضلوعنا
صارت احلامنا
عورق صفصاف ضايعة
كبرنا سنين من العمر
وراح منا وهجرنا
انتظرتُه عمفرق الطريق
اللياليِّ اشتكت… واشتكى الجوى
وصار البعد بينا جفا
ياصيف ماعاد يثمر الحلو
بحنايا ضلوعنا..
ياقمر عود متل ماكنت
بطيف خيالنا تا نفرح
ونزين هوى بيتنا
كِبرالشوق فينا وكبرنا معه
وكبرت احلامنا
بتذكر لما كنا ونحن صغار
نلعب والشمس ساطعة..
تحت شجرة التوت
تشهد حلمنا…
بتذكر ليالينا حكت شوقنا
ونتغزّل بالقمر… ياقمر بيتنا
و صار يغار ابن جيرانا
ويبعت مراسيل ..
كنت تغار من نظراته النا…
عود… تيعود الود والوفا
و ليعود القلب يدق من جديد
والفرحة تدخل حياتنا…
ياصيف ماعاد يثمر الحلو
بحنايا ضلوعنا
هواجس عابرة بقلم آمال حمزة من سورية
