جدتي قالتلي زمان
بقلم الشاعرة مريم نوار
جدتي قالتلي زمان
الحب ده مش كلام
الحب يابنتي كان
تقدير ويا اهتمام
وان اللي يحب يضحي
ويصون ويهتم ..
ولضميره دايما يصحي
وحبيبه عنده الأهم
وان الأهم الاحترام
الحب زمان كان ليه اصوله
مش كلمتين والسلام
هات جدي وجدك يقولوا
لو فيهم حد تعب
مكنش التاني ينام
رخصنا الحب في زمنا
بقي ارخص شئ متاح
قولي عايز بكام حب
ده بكل سعر مباح..
وانا ماشيه ف مره كان في مزاد
سلعه بتتباع واللي يدفع اكتر مين
وقفت اشوف ويؤسفني اقول
السلعه كانت قلوب البني ادمين
جدتي قالتلي زمان
