شعر د. ايهاب عبد البعبولى
في أيام… كانت بتجمعنا
صوت الساقية والعصافير
وصوت امي ..وصوت اختي
وصوت عمي…. مع النواعير
وبسمة حلوة…… و ضحكاية
وكام صرخة…. مع المزامير
شقاوتي و شربي…….م القلة
وصبي المية … جوه الزير
وكام كدبة ….وأقول بيضة
وف كام مرة …يكون تأخير
وحمومي ف… مية الترعة
و رغم إني بموت……تحذير
ونبني بيوت…….بطين الحلم
ونجري نطارد ….. العصافير
وكام توتة بتجمعنا و تسمعنا
تريحنا و تسعدنا تملي كتير
وكانت في كل ايامي وايامها
وأحلامي وأحلامها هي الخير
