مقااااااال الجمعه ولااروع
🇪🇬 لراغبى العمق والتحليل
🇪🇬 لراغبى الوقوف ع الحقائق
🇪🇬 ولتعلم ان الصقور لاتنام الصقور فى كل مكان
متابعة خميس اسماعيل
أمريكا وإسرائيل وأوروبا شيطانهم وزهم فاتفقوا على تفتيت المنطقه …. معلش مقال طويل شوية ..بس اللي بيحصلنا مش شوية
أمريكا و إسرائيل اتفقوا على القضاء على العرب و روسيا في ضربه واحده
أوروبا مصلحتها في ضرب روسيا اقتصاديا للتخلص من هيمنتها عليها بسبب الغاز … لأن ماسورة الغاز اللى بتغذي أوروبا حاليا جايه من روسيا… وبوتين لو زعل بس و حط ايده على محبس الغاز ..تترعب الحكومات الأوروبية لأن المواطن الأوروبي حــ يموت متجمد من البرد في الشتاء و المصانع هناك حتقف…
فكانت الخطة انهم يقطعوا رجل روسيا بحيث تلجأ اوروبا للغاز القطري و مخزون غاز البحر المتوسط الواعد (بتاعنا لما يسرقوه).. و بكده تستفاد أيضا أمريكا بسقوط الإقتصاد الروسي المعتمد على تصدير مصادر الطاقه لأوروبا …
فكانت الخطة على اساس مد خط غاز من قطر عبر العراق و سوريا الى تركيا ..و من البحر المتوسط الى سوريا ثم تركيا… عشان كده كان التركيز على سوريا كبير جدا لانها متحالفه مع روسيا و مش حتسمح بالخطه دي.. فكان لازم تدميرها و تغير النظام فيها إلى نظام مفكك لكن حليف… وده سبب استماتة روسيا في الدفاع عن سوريا و دعم بشار و النظام السوري .. لأن ما يحدث لسوريا موجه أصلا الى روسيا …..
ولو بصيتوا على الخريطه.. حتلاقوا أن بالاستيلاء على أوكرانيا و خصوصا إقليم القرم ..حيتم غلق المخرج الوحيد لروسيا بحريا من البحر الأسود على الشرق الاوسط …. يعني يقطعوا رجل روسيا تماما من التواجد في البحر المتوسط و الشرق الأوسط كله .
فعملوا ايه بقا لتنفيذ المخطط اللي ابليس نفسه يقولهم عليه يا عمتي
اتفقوا مع الإخوان و الاسلامجية و الشيعه كمقاولين انفار من الباطن لتوريد المقاتلين اللى حيخلصوا على الارض حـنساعدكم و حـنسيبكم تحكموا و نعترف بيكم و نديكم سلاح .. في مقابل أنكم تدونا الغاز و النفط و تنفذوا اللى احنا عايزينه … و تمويل الموضوع ده كله حيكون منكم فيكم …. يعني من قطر… و بدا بالفعل توريد البترول السوري و العراقي والليبي للغرب عبر تركيا من خلال تنظيم داعش.
الأول يتم تفكيك الجيوش النظاميه و تحويلها الى ميلشيات مسلحه.. و بعدين كله يدَبح في بعضه زي مهو حاصل دلوقتي في العراق و سوريا و ليبيا …. داعش بتضرب في النصره و الإتنين بيضربوا في الشيعه و المسيحيين .. والشيعه بتضرب في الاتنين …. و المسلمين كلهم يخلصوا على بعض .. و لاحظوا أن قادة كل التنظيمات دي يا أما كانوا ظباط مخابرات او عملاء سابقين للغرب.. أو اتخرجوا من مدارس جوانتانموا لإعداد الإرهابيين الغربيين ..
لو كان تم ما خططوا له جميعا .. كان هايبئا كده إسرائيل و أمريكا استفادت بتنفيذ هدفها بتدمير العرب….. و أوروبا أخدت الغاز و البترول برخص التراب و لعشرات السنين قدام
الخطه كانت ماشيه زي الحلاوه و تم تدمير العراق و سوريا …و تم تدمير ليبيا لتطويق مصر اللى اتهيألهم انه تم الاستيلاء عليها بوصول الجاسوس مرسي للحكم لتحييد أقوي دولة في المنطقه و تفكيكها و طبعا السعوديه و الخليج كانوا مرعوبين لأنهم بسقوط مصر كانوا مش حياخدوا في اديهم غلوه ….
كل ده يوضح ليكم ليه قطر كانت بتستميت في دعم المشروع الإخواني لأن المفروض الأسره الحاكمه هناك تاخد الجايزه بتاعتها أنهم يحكموا الخليج العربي كله بعد تفتيت السعوديه والامارات و الكويت .. و يبقي البغل بتاعهم هو ملك الجزيره العربيه.
وعشان كدا قطر كسَبوها إقامة كأس العالم 2022 و تعهدت قطر بإقامة البطوله على 12 استاد ….. و بعد 30 يونيو
و لما لقوا أن الحكايه باظت …… بعتوا خطاب للفيفا يترجوهم أنهم يعملوا البطوله على 8 استادات فقط بحجة أن مساحة دولة قطر الحاليه لا تستوعب غير بناء 8 مراحيض فقط……
لأنهم كانوا متأكدين أن على ما يجي عام 2022 المفروض أن مساحة قطر كانت مش حتكون على المساحه الحاليه و إن البطوله كانت حتقام على استادات في بلاد أخري في المنطقة تحت إسم قطر
وافتكروا كده لما أوباما قال حيضرب سوريا عسكريا علشان الموضوع طول و الوقت بيداهمه و عايز يخلص قبل ما روسيا تفوق … قام بوتين خلَا الواد المجنون بتاع كوريا الشماليه يوجه صواريخه النوويه إلى أمريكا و هدد بمحو امريكا من الخريطه . فأمريكا جابت المرشدير العظيم و تراجعت عن ضرب سوريا
💢الخلاصه ان الموضوع كله كان حينتهي بمواجهه عسكريه حتميه ما بين روسيا و حلفاؤها من جهه .. و أمريكا و الغرب من جهه أخري .. يعني فناء العالم في حرب عالميه قد تكون نوويه .. لأنها حتكون حرب بقاء بين قوى عظمي.
مين بقي اللى غير المعادله دي كلها و حمي العالم من مصير كارثي بسبب حروب عسكريه.. و خلا روسيا تتنفس من جديد.؟؟
انه التحالف العظيم ما بين الجيش و الشعب المصري في 30-6 و اللى بسببه تم تدمير المخطط ده بالكااااامل ..🇪🇬
وتغيرت الإستراتيجية الروسيه من التوجه الى مواجه عسكريه الى مواجهه سياسيه و اقتصاديه…. فقام بوتن بضم إقليم القرم ذات نفسه باللى فيه لروسيا و قطع عليهم جغرافيا سكه خط الغاز من اصله ….
وبالرغم من ان التنسيق الأمني و المخابراتي مع روسيا كان من زمان .. بس تم الإعلان عن التحالف رسميا في زيارة السيسي لروسيا و ارتداؤه الجاكيت العسكري الروسي …. الرساله كانت الى امريكا و انجلترا الشريره …. نشكركم على حسن تعاونكم معنا و كان فاضل يطلعولهم لسانهم في الصوره
وكل اللي كان معشم نفسه بحاجه بح.. وحلم من النيل للفرات مات .. و الخلافه بح .. وملك الجزيرة العربية طلع فنكوش .. والحلم الفارسى اتدفن .. وكل المستجدات الحالية ما هي الا محاولات الخروج باي مكسب او اقل خساره ممكنه !!!
وفي اخر الحدوته الرئيس السيسي جابهم كلهم في شرم الشيخ وقال لهم خلاص يا جماعه الحدوته خلصت .. جيم اوفر.. لموا بقي التعابين بتوعكم
السيسي عملهم فوبيا وقالهم يالا سمعونى بقى تحياااااا🇪🇬 مصر🇪🇬 وطني🇪🇬 وقلبى🇪🇬
