متبعثرة مني الحروف ….
للاديب الشاعر سمير احمد القط
متبعثرة منى الحروف
فوق معانى بحر الكلام …
ممكن احياها بخوف
وممكن تحينى بسلام
متبعثرة من غير شهود
حرف نار ..يحرق جمود
حرف تايه …فى ضل جاره
وحرف عايش معنى السجود
متبعثرة …بسطور كتيره
لفه عقلي بكل حيره
لو اسيبها …تتوه زيادة
بين مدادى القاها سيرة
متبعثرة …والعدوى منى
تاهت الفكرة …فى سنى
يوم ماالوح بفكرة عنى
التقيها …هربت اسيرة
متبعثرة منى الحروف
فوق معانى بحر الكلام
