بيتزا:
فنون مطبخية
دينا جمال رفاعي
المقادير : كوبايتين دقيق / معلقتين صغيرين خميره / معلقه صغيره ملح / ربع معلقه صغيره بيكنج باودر / معلقتين كبار سكر / كوبايه الاربع مايه دافيه / معلقتين زيت كبار
الصوص ( طماطم مقشره ومفرومه في الكبه / توم مفروم / زعتررر كتييير / ملح وفلفل / معلقتين كبار زيت )
الحشوة ( فلفل رومي شرايح / مشروم / جبنه موزريلا / سوسيس مسلوق ومقطع حلقات / طماطم مقشره ومقطعه حلقات )
الطريقه :
١- نحط الخميره في المايه الدافيه معها معلقه سكر ونسبها شويه
٢- نحط باقي المقادير مع بعضها الدقيق ومعلقه السكر التانيه والبيكنج باودر والزيت والملح ونخلطهم كويس بعدين نضيف ليهم الخميره ونعجن كويس ونسبها تخمر ساعه
٣- نجهز الحشوه نقطع كله شرايح ويبقي جاهز يتحط علي العجينه
٤- نجهز الصوص نحط الطماطم علي الزعتر والتوم والزيت والملح والفلفل ونقلب كويس
٥- نعجن العجينه ونفردها في صنيه مدهونه زيت بسيط وفيها رشه دقيق ونخرم العجينه بالشوكه ونحط عليها الصوص اللى جاهزنا وبعدين جبنه موتزريلا وبعدين الحشوه السوسيس و المشروم والفلفل ونحط جبنه موتزريلا تاني وندخلها الفرن في النص علي 180 ويكون الفرن سخن قبليها و ربع ساعه نبص عليها لو حابين نزود جبنه موتزريلا تاني و نطلعها نقدمها وبالف هنااا 😉😉😉😉🎊🎉🎈🎊🎉🎈
