المقادير: كيس مكرونة / بصله مفرومه / فصين توم مفروم / معلقتين كبار زيت/ عصير طماطم مصفي / ملح وفلفل اسود / بابريكا / زعتر / ورقه لورا / نص كيلو لحمه مفرومه ( بصله مفرومه ناعم / بقدونس مفروم / ملح وفلفل / قرفه / بابريكا / توابل كباب / توابل مشكله )
الطريقة:
1- اول حاجه نسلق المكرونه ونسبها علي جنب
2- اللحمه المفرومه نحط عليها البصله المفرومه والبقدونس والملح والفلفل توابل المشكله وتوابل الكباب والبابريكا والقرفه ونقلب كله كويس في بعضه ونعمل كور صغيره
3- في حله نحط معلقتين زيت والبصله المفرومه وفصين التوم بس ياخدو لون وبعدين نحط كور اللحمه ونعلي نار تتشوح وبعديم نوطي ونغطي عليها نسبها شويه تستوي
4- نكون مجهزين عصير طماطم مصفي ونحطه علي كور اللحمه ونحطلها رشه خفيفه ملح وفلفل وبابريكا وزعتر ونسبها شويه تغلي وبعدين نضيف المكرونه وتاخد تقليبه خفيفه ونطفي النار وممكن في الاخرر رشه بقدونس فريش ونقدمها وبالف هناااا
( اكله سريعه وجميله واللحمه ممكن نتبلها بأي طريقه مش لازم كده انا عملتها نفس طريقه الكفته بس طبعا حسب الرغبه )
((( مكرونه = العشق كله )))
( تتاكل سخنه بقي والصوص زايد فيها شويه بتبقي حكايه )
