كاسات كنافه بالمانجا:
فنون مطبخية
دينا جمال رفاعي
المقادير: اتنين مانجا مقطعين / نص كيلو كنافه / زبده / باكوين كريم شانتيه / باكو كريم كراميل / كيس فانيليا / مكعب جبنه كيري او اي نوع لو مش متوفر كيري / وشويه لبن صغيرين بس نحرك بيهم الخليط / والعسل ( نص كوبايه سكر / نص كوبايه مايه )
الطريقة:
1- اول حاجه الكنافه تكون في الفريزر ونطلعها نفرفتها كلها
وبعدين نحط عليها الزبده ونخلطها كويس اوي ونحطها في طاسه ونفضل نقلب لحد ما تاخد لون حلو وتبقي مقرمشه
2- نجهز الكريمه نحط باكوين كريم شانتيه علي باكو كريم كراميل علي قطعه الجبنه والفانيليا واللبن ونضرب حلو بالمضرب وندخلها تلاجه لحد ما نعمل العسل بتاعها
3- العسل بقي نحط نص كوبايه المايه علي نص سكر وعلي النار اول ما تاخد غلوه نطفي عايزا خفيف جدا
4- نعمل طبقات نحط الكنافه وبمعلقه صغيره نحط عليها العسل وبعدين طبقه كريمه وبعدين مانجا ونعمل الطبقات دي كمان مره وبالف هنااا 😉😉😉
( حاجه كده سريعه وطعمها خطير بقي )
