متابعه : محمد سعيد عماره
نقلا عن الاستاذ
أ.خالد الحصرى
صدق اولا تصدق .. في قريتي .. كفر سنباط .. مركز زفتى غربية …
طفل 7 سنوات خطف ثم قتل ثم ترك في احد المصانع المهجوره بالقرية ؟!!!!
في قريتي .. اللي لما بحس بقلق او بتعب شويه بقول لاولادي روحوا البلد اقعدوا فيها كام يوم غيروا جو وتمتعوا بامن القرية وامانها وطيبة وسماحة اهلها …
هو فيه ايه ؟!!!
ايه اللي حصلك يابلد ؟!!!!
فين شهامة ولادك وطيبة اهلك وجدعنة شبابك ؟!!
بقينا بنستسهل الغلط وبنستعجل الشر ليه كده ؟!!
وبعدين مين الناس اللي ملوا البلد دول ؟!!
البلد تقريبا بقى ربعها ناس غريبة لا نعرف لهم اصل ولا فصل ولابلد ولا عيله ؟!!
مين دول ؟!! ومين رضا عوض ده اللي خطف وقتل ابننا وضنانا ؟!! جه البلد امته وعاش ازاي وسطينا وهو بكل الشر والفظاعة والدناءة دي ؟!
اتمنى ان ناخذ من هذا المصاب العبرة ونحاول نجاوب على السؤال ده
احنا بقينا متوحشين ليه كده ‘ ووحشين قوي ليه كده ؟!!!
وياريت … نبطل ننشر صور ابننا البريء المغدور به .. رحمة باهله ومراعاة لهذا الظرف الصعب جدا …
وياريت نفكر مع بعض في حل لما وصلنا اليه بهدوء وجدية … الكلام وحده لن ياتي بحق المغدور ولن يحافظ على امن ابنائنا وحياتهم ..
منذ اكثر من عام تقريبا وانا منقطع تماما عن الفيس ..
ولكن لان المصاب جلل والفاجعة عظيمة ومرعبة وفظيعه اكتب الان …
خالص العزاء للاخ احمد السباعي ولكل اهل بلدي جميعا ربنا يصبرك يا احمد ويقوي قلبك انت والاسرة كلها … الله يكون في عونكم جميعا … ويقدرنا على تخطي هذه المحنة الصعبة .
