كتبت فوزية فرغلي
دي صورة المجرمين المنحطين عدماء الضمير اللي مش متربيين ..
الموضوع انهم نزلو ا تطبيق اوبر وكريم واستدعو سائق عشان ينفذو مخططهم القذر البشع ..
المشكلة ان الراجل اللي اتقتل دا اسمه محمود حسن سالم وهو أن شاء الله شهيد لانه قتل أثناء عمله وعلي لقمة عيشه معاه سيارة والده نوعها ميتسيبوشي رقم ن ن ع 856
والاخ اللي مات بيصرف علي والدته وعلي والده المسن من السيارة دي وهي مش حديثة بل حالتها متواضعة وساكن تبع منطقة عابدين بالتحديد شارع رشدي ..
المهم لما وصل قالوله عايزين يروحو التجمع الاول فقال ماشي مفيش مشكلة وفي حتة صحراء قبلها ومظلمة واحد منهم قام لف علي رقبته شال أسود فالمتوفي داس جامد علي كلاكس السيارة علي أمل حد ينقذه من المجرمين فقام التاني ضربه بمطواه في فخده وكملوا عليه وربطوه بقفيز بلاستيك من رقبته حتي فارق الحياة وكانت الصدمة للمجرمين دول انهم لقو معاه 35 جنيه وتليفونه بس اللي ميجيبشي 150 جنيه
ثمن حياه الانسان 35جنيه
