ياضحكه الأمل **** بقلم ضحى عادل
عايزة أفرح فى حياتى وأمسح من عيونى دمعتى
نفسى أشوف أدام المرايا شكلى ورسمه ضحكتى
أجرى شويه وألعب وأتنطط كتير مع ولاد حتتى
أبص بعيونى للأمل بيكبر معايا وبسقيه من فرحتى
ألبس فستان أبيض والناس تسقف على خطوتى
أمشى ومن حواليا الورود أشكال وألوان فى زفتى
أركب حصان الحب وأطير فى الهوا أشوف دنيتى
نفسى فى حاجات كتير جوايا هى دى أمنيتى
يارب أعيش على الفرح وتكون ديما حلوة قسمتى
